Schindler 3000 Stílhrein, hagnýt og sveigjanleg

Ráðgjöf

Við ákvörðun á stærð á stokk, notið töfluna hér neðst á síðunni. Það þarf að taka tillit til brunahönnunar á húsnæðinu, ef farið er á milli brunahólfa þurfa hurðir að standast EN81-58, EI60. Þar sem lyftuhurðir eru ekki reykþéttar þarf að hafa reyklúgu í þaki lyftustokks, til viðbótar við loftræstingu sem er 1% af flatarmáli stokks.Stokk þarf að mála í ljósum lit og gryfja þarf að vera lökkuð. Úrtak úr gólfbrún er 80 x 70 mm fyrir hurðaþröskulda. Ef tvær lyftur eru saman, er best að hafa þær hlið við hlið og samstýrðar. Munið eftir rafstofni fyrir lyftu og öðrum fyrir ljósalögn.Í nýbyggingum og breytingum á gömlum húsnæði skal yfirhæð vera eins og sagt er í bæklingi (3400-3800 mm) en þegar skipt er út gamalli lyftu þá er möguleiki á að fá undaþágu fyrir lægri yfirhæð (2420 mm) en sækja þarf um það í hverju tilfelli fyrir sig. 

Byggingarreglugerð

Burðargeta lyftu á að vera 1000 kg skv. byggingarreglugerð grein 6.4.12. Í byggingum sem eru átta hæðir eða hærri skulu vera minnst tvær lyftur með innanmál minnst B= 1,10 m x L=2,1 m og burðargetu a.m.k. 1000 kg. Ef svo er, hafið stokka hlið við hlið (steypa vegg á milli þeirra eða setja stálbita og net (+ ca. 160 mm) . Burðargeta okkar lyftu er 1125 kg vegna góðrar nýtingar á stokk. Ráðlagt er að skoða reglugerðina og leiðbeingar við hönnun á húsnæðinu.

Byggingarreglugerð ➝

Leiðbeiningar HMS - Lyftur og lyftupallar ➝

Skammstafanir

ES  Ein hurð á klefa
ZS Tvær hurðir, gegnumgengur klefi
T2 Hliðaropnandi 2 blaða hurð
C2 Miðjuopnandi 2 blaða hurð
C4 Miðjuopnandi 4 blaða hurð
BT Hurðarbreidd
HT Hurðahæð
HSG Gryfjudýpt
HSK Yfirhæð
VKN Hraði í m/s

Næstum allt mögulegt

Á þessari síðu eru teikningar í formi pdf og dwg skjala þær klefastærðir fyrir Schindler 3000 lyftur sem mest hefur verið óskað eftir til niðurhals. Með þessari lyftugerð er boðið upp á frelsi í hönnun á stærðum klefa, hurða og stokks. Ef þörf er á nánari upplýsingum um mál á lyftustokki eða lyftuhraða sem hentar best þörfum byggingarinnar hafið þá vinsamlegast samband við þjónustufulltrúa Schindler sem veitir einnig upplýsingar um önnur atriði ef eftir því er óskað.

Gefin eru lámarksmál á göngum, -0/+50 mm er gott að hafa auka 25 til 50 mm til öryggis.

DWG teikningar er hægt að fá af þessum lyftum, hafið samband við sölumann.

Klefarnir eru 1200 mm breiðir, lengd 1400 / 2100 / 2400 mm.
Hurðir eru 900 mm í 675 / 1125 kg, en 1100 mm í 1350 kg.
Hurðahæð 2100 mm. Hliðaropnandi rennihurðir.

Vélarrúmslaus hönnun

Allur aðal drif, tog og stjórnbúnaður er inni í stokknum, sem gefur arkitektum og hönnuðum möguleika á að nota aukið rými. Þökk sér nettum gírlausum togbúnaði getur stærri klefi komist fyrir í stöðluðum stokkum, einnig lægra topprými og grynnri gryfja.

Innbyggð stýring, skoðunarbúnaður og prófunarskjár í hurðakarmi.

Einingakerfi, skalanlegur klefi og hurðastærðir

Við getum aðlagað klefastærðir með 10 mm bili í lengd og breidd. Schindler 3000 klefabreidd eru frá 760 mm að 1600 mm, klefalengd frá 900 mm að 2400 mm og klefahæð allt að 2500 mm.

Hurðir geta verið staðsettar með 1 mm nákvæmni. Hurðabreiddir eru í 50 mm bili frá 600 mm að 1400 mm, í hæðum frá 2000 mm að 2400 mm, með vali um hliðaropnandi hurðir (T2) eða miðjuopnandi hurðir (C2 og C4) og einum inngang eða tveim (gegnumgeng).

Aðgengi fyrir alla!

Lyfturnar uppfylla staðal EN81-70, Lyftur fyrir fatlaða. Innifalið er öflugri og auðlesanlegri hnappabúnaður, handrið, spegill á móti inngangshurð, talgervill, Gong o.fl. Lyftan þarf að vera 630 kg eða stærri (Class 2). Nánar um EN81-70 á heimasíðu Schindler

Minni mótor og drifhjól

Með upphengibúnaði Schindler (STM) verður ferðin hljóðlátari og mýkri án nokkurrar olíu eða smurefnis. STM sparar líka lyftustokkspláss þar sem m´tor og drifhjól er minna - 70% minna en í dæmigerði lyftu. Fyrir farþegar þýðir það þægilegri ferð, og rekstraraðilar munu meta aukinn áræðanleika og afköst.

Aukið nýtanlegt byggingarrými

Minna rými fyrir íhluti, notadrýgra byggingarrými og aukið rými fyrir farþega. Nýstárlegur klefi Schindler 3000 tryggir að stokkur í staðlaðri stærð rúmi breiðari lyftuklefa með aukinni burðargetu.

Stýring- og skoðunarbúnaður innbyggt í hurðakarm eða frístandandi

Stýring- og skoðunarbúnaður Schindler 3000 er innbyggður í staðlaðan hurðarkarm eða framhlið oftast á efstu hæð. Þessi lausn einfaldar uppsetningu lyftunnar, veitir auðvelt aðgengi og sparar rými.

Navona - Hagnýt og endingargóð

Lyftuklefinn verður bjartur og þægilegur með þessari kraftmiklu hönnunarlínu. Þökk sé líflegri litapallettu, endingargóðum aukabúnaði og fimm tegundum gólfefna hentar Navona íbúðarhúsum einstaklega vel. Kostur er á ryðfríu stáli í bak- og hliðarveggi.

Times Square - Nútímaleg og fjölbreytt

Lyftan fær á sig ferskt og nútímalegt yfirbragð með hlýjum eða svölum litatónum. Með því að tefla þeim saman öðlast lyftan aukna dýpt. Hurðar og veggir úr gleri auka birtuflæði og andrými. Leyfðu eigin smekk að ráða ferðinni og hannaðu klefann frá grunni. Times Square setur sterkan svip á hvaða byggingu sem er – almenningsrými og verslanir jafnt sem íbúðarhúsg.

Park Avenue - Háþróað og glæsilegt

Einstaklega fáguð og glæsileg hönnunarleið. Viðarlíki og harðplast með sérstakri áferð og bakmálaðir glerveggir ljá lyftunni nútímalegt útlit. Ryðfrítt stál, fáanlegt í sjö mismunandi áferðum, og skrautgler auka á lúxusinn. Samræmd lýsing fullkomnar útlitiðt.

Linea 100

Linea 100 er hagnýt hönnun úr ryðfríu stáli. Hæðaljósið er umlukið hvítu gleri og með stóru auðlæsu LED punktaletri. Kallhnappar eru með rauðu kvittljósi til að gefa til kynna að kall sé móttekið.

Aðgengi fyrir alla! EN81-70

Við bjóðum alltaf hnappabúnað fyrir farþega með fötlun. Það innifelur auðsjáanlegri hnappa með reistu letri, þeir eru stærri og einnig hægt að fá XL sem auka hnappaborð. Það hjálpar þeim sem eru sjónskertir og eldri notendum.

Linea 300

Háklassa notendaviðmót þar sem hönnunin sameinar þægindi og skilvirkni. Skjárinn er úr svörtu gleri með hnappa úr svörtu ryðfríu stáli, eða þá hvítur með hnappaborði úr hefðbundnu ryðfríu stáli.

PORT stjórnborð

Nýja PORT kallkerfið okkar gerir bygginguna greindari. Við bjóðum línu PORT stjórnborða sem auka umferðarflæði með ýmsum valkostum. Þau eru rómuð um allan heim fyrir notagildi, glæsileika og stílhreint útlit.

Speglar

Speglar auka rýmistilfinningu og þægindi. Schindler býður upp á fullrar hæðar eða hálfrar hæðar spegla úr öryggisgleri á hliðar og/eða bakveggi klefans.Skv. EN81-70 skal vera spegill á bakvegg eða litlir baksýnisspeglar við loft fyrir hjólastólanotendur til að bakka út úr lyftunni.

Handrið

Schindler 3000 býður upp á handrið úr ryðfríu burstuðu stáli með beygðum endum sem uppfylla EN81-70 staðalinn, Aðgengi fyrir alla! Hægt er að velja um eina, tvær eða þrjár hliðar.

Hurðir á hæðum

Samspil hönnunar lyftu og byggingar hefur áhrif á upplifun íbúa. Við bjóðum mikið úrval lita sem tryggja gott samræmi.

Árekstrarvörn

Árekstrarvörn Schindler er hönnuð til að vernda veggi lyftunnar og fallegt útlit innréttingarinnar. Hún er fáanleg í mismunandi hæðum, úr ryðfríu stáli, PVC eða við.

Neyðarsími í lyftur

Allar lyftur koma með GSM neyðarsímabúnaði sem tengist beint á bakvakt. Síminn tengist sjálfvirkt á 72 stunda fresti við netþjón sem lætur vita ef samband næst ekki. Uppfyllum EN81-28 lyftustaðalinn.

Plan & Design - nettengt hönnunarforrit*

Með nokkrum smellum getur þú skipulagt réttu lyftuna fyrir bygginguna. Plan & Design gefur þér ráðleggingar, ítarlegar lýsingar á hverri vörulínu sem og teikningar, útfærðar í smáatriðum. Við hvetjum þig til að hafa samband við okkur varðandi stærðir og útfærslu á lyftugöngum sem henta íslenskum aðstæðum og venjum.

Nýstárleg uppsetning*

Nýja INEX (Installation Excellence) kerfið okkar sparar viðskiptavinum ekki einungis undirbúningstíma framkvæmda og efni heldur eykur einnig öryggi og skilvirkni á uppsetningarstað.

Snjöll notkun – fara yfir í stafræna stýringu*

Allar nýjar lyftur okkar eru lagaðar að Schindler Ahead – IoT (Internet of Things) þjónustuframboði okkar. Með Schindler Ahead gerum við viðskiptavinum okkar kleift að stíga af öryggi inn í stafræna tíma.

*Ekki boði á Íslandi enn sem komið er

Að skipuleggja í dag til að spara á morgun

Schindler er þekkt fyrir framsýni í gerð lyftubúnaðar með orkusparnað í huga. Áður en lyftu er komið fyrir á sínum stað hefur flæði fólks um húsið verið kannað gaumgæfilega svo og hvert straumurinn liggur og notkunartíðnin. Með þessu móti má reikna út orkukostnað lyftunnar á næstu árum svo hún endist lengi með hámarks afköstum.

Umhverfisvæn tækni

Lyftubúnaður Schindler er byggður með það fyrir augum að vera vænn við umhverfið. Nýja PORT áfangastaðastýringin sparar orku og þar með kostnað og engin notkun skaðlegra efna kemur umhverfinu líka til góða.

Sjálfbærni á ferðinni á degi hverjum

Um það bil 80 af hundraði af heildarumhverfisáhrifum hvers húss verða á mestu álagstímum. Með reglubundnu eftirliti lækkar þessi tala hjá Schindler lyftum. Þannig veldur lyftan ekki mengun, hún verður traustari og sparar orku. Eftirlits- og viðhaldsteymi okkar leggja líka sitt af mörkum. Leitast er við að hagræða eftirlitsleiðum til að minnka CO2 útblástur og tölvubúnaður kemur í stað notkunar á pappír í samskiptum manna á milli.

Hið gamla verður grænt

Það eykur öryggi og þægindi þeirra sem nota lyftu að færa hana í nútímalegra horf. Að auki verður orkusparnaður meiri. Til dæmis notar Schindler nýja LED lýsingu, bíður upp á PF1 drif sem endurnýta orku og stjórnbúnað sem gefur kost á biðstöðu. Með breytingum af þessu tagi í samvinnu við Schindler breytist gamla lyftan í nýja með orkusparandi búnaði.